शीतली प्राणायाम

विधि:
१. कुनै ध्यान आसनमा बस्ने । ढाड र टाउको सीधा राख्ने र हात घुँडामा अड्याउने ।
२. जिब्रो बाहिर निकाल्ने र बीचमा खाल्डो पार्ने ।
३. जिब्राको खाल्डोबाट श्वास भित्र तान्ने ।
४. जिब्रो मुखभित्र ल्याउने र सजिलो हुँदासम्म श्वास रोक्ने ।
५. अब बिस्तारै नाकबाट श्वास फाल्ने ।
६. यो प्रक्रिया नौ चोटि गर्ने ।

लाभ:
१. यसले पूर्ण शरीरलाई शितलता प्रदान गर्छ ।
२. मन आनन्दित एवं तनावरहित हुन्छ ।
३. उच्च रक्तचाप तथा अम्लपित्त घटाउन मद्दत गर्छ ।

सावधानी:
रक्तचाप कम भएका र मुटु रोगीले यो गर्नु हुँदैन ।