लामीडाँडा गाविसस्थित हिलेपानी संस्कृत माविमा आयुर्वेद विषय त्यहीँका ७० वषर्ीय मुक्तिनाथ घिमिरेले पढाउँदै आएका हुन् । कविराज घिमिरेले दुईवटा कक्षा नियमित लिँदै आएका छन् ।
३० वर्षभन्दा बढी जागिरे जीवनपछि उनकै पहलमा उक्त कक्षा सञ्चालन भएको हो । उनी हरेक दिन विद्यालय जान्छन् । विद्यालय व्यवस्थापन समितिले पारिश्रमिक दिने निर्णय गरे पनि उनले मानेन् । प्रधानाध्यापक महेश्वर ढुंगेलका अनुसार घिमिरेलाई मासिक ५ हजार दिने प्रस्ताव गरिएको थियो । 'त्यो लिनु भएन, बरु सकुन्जेल निःशुल्क सेवा गर्ने वाचा गर्नुभयो,' उनले भने ।
जिल्लाको उत्तरी गाउँको उक्त विद्यालयमा द्वन्द्वका बेला संस्कृत विषयको पढाइ भने बन्द गरिएको थियो । ०५८ सालदेखि पढाउन छाडिएको संस्कृत विषय पुनः सुरु गरिएको छ भने आयुर्वेद विषयसमेत थपिएको छ । यस वर्ष २१ विद्यार्थीले आयुर्वेद विषयमा एसएलसी दिँदै छन् । ढुंगेलका अनुसार ५१ मध्ये २१ विद्यार्थीले यो विषय रुचाएका हुन् ।
घाउचोट र जीउ दुखेको औषधि आफैंले बनाएर प्रयोग गरेको र निको पनि भएको अनुभव सुनाउँदै एलएलसीको तयारीमा रहेका सरोधन नेपालीले आयुर्वेद विषय चाखपूर्ण भएको बताए । यो विषय अध्ययन गर्ने कामी, दमाई, क्षेत्री र बाहुन छन् । ६० प्रतिशत छात्रा छन् ।
लामीडाँडा, लापिलाङ र बाबरे तीन गाउँलाई 'संस्कृतग्राम' बनाउने महत्त्वाकांक्षी योजनामा समेत सक्रिय घिमिरे आयुर्वेदलाई रोजगारमूलक शिक्षा भन्न रुचाउँछन् । गाउँ वरपरकै वृक्षबाट जीवन उपयोगी औषधि बनाउन सकिने विद्या फैलाउने अभियानमा आफू जुटेको उनले बताए ।
धरानमा संस्कृत सिकेर आयुर्वेद क्याम्पसमा दुई वर्ष पढेपछि ०३१ सालदेखि कविराजको जागिरमा प्रवेश गरेका उनले ०५९ मा पदबाट राजीनामा दिए । त्यसपछि उनी लगातार संस्कृत र आयुर्वेद शिक्षा फैलाउन गाउँमै सक्रिय छन् । आयुर्वेद अध्ययन गराउने हिलेपानी जिल्लाकै एकमात्र विद्यालय हो ।
Set as favorite
Bookmark
Email this
Comments (1)
Subscribe to this comment's feed
Write comment
